Greinir skýran vilja til meira sam­starfs

Kristrún fundaði með Trump í New York í síðasta mánuði, á hliðarlínunum á allsherjarþingi Sameinuðu þjóðanna. Hún ræddi síðan við Rubio í Reykjavík í dag.

Sjá einnig: Hags­munir Ís­lands að efla Sam­einuðu þjóðirnar

Í færslu sem hún skrifaði á Facebook segir Kristrún að um þessar mundir sé margt jákvætt í gangi hvað varði samskiptin við Bandaríkin. Nefnir hún til að mynda nýjan samning Grænlands, Danmerkur og Bandaríkjanna og að hann skipti hann miklu máli fyrir Ísland.

„[E]nda byggjum við öryggi okkar á öflugum, sameiginlegum vörnum hér á svæðinu,“ skrifar Kristrún.

Þá segir hún að á fundinum með Rubio í dag hafi þau rætt spennandi tækifæri á sviði viðskipta og fjárfestinga milli Íslands og Bandaríkjanna. Þeirri umræðu verði fylgt eftir í samráði við íslenskt atvinnulíf.

„Á morgun á ég svo von á fleiri góðum gestum frá útlöndum. Leiðtogar Grænlands og Færeyja eru væntanlegir, báðir í sína fyrstu heimsókn til Íslands frá því þeir tóku við embætti. Ég hlakka til að ræða við þessa nánustu vini okkar og nágranna um sameiginlega hagsmuni og tækifæri ☺️ Fylgist með!“