Efnaleki á Ós­eyri og fólk beðið um að halda sig fjarri

Þetta kemur fram í tilkynningu frá lögreglunni á Norðurlandi eystra. Þar segir að lögreglu hafi verið tilkynnt um atvikið klukkan 16:22. Akureyri.net segir að um sé að ræða fiskvinnsluna Hnýfil. 

Lögregla og slökkvilið vinni nú á vettvangi. Biðlað er til fólks um að halda sig fjarri á meðan.

Frétt uppfærð 19:06.

Samkvæmt upplýsingum frá lögreglu hafa fjórir starfsmenn fiskvinnslunnar leitað aðhlynningar á sjúkrahúsinu á Akureyri. Grunur leikur á að um klórgasleka sé að ræða.

Slökkvilið og lögregla eru enn á vettvangi. Lokanir eru enn í gildi.