Lilja Rafney syrgir eigin­mann sinn

Hilmar og Lilja Rafney hafa verið burðarásar á Suðureyri á Vestfjörðum um langa tíð þar sem þau komu fjórum börnum á legg.

Lilja Rafney segir í færslu á Facebook að Hilmar hafi orðið bráðkvaddur aðfaranótt sunnudags.

„Honum voru gefin 6 ár eftir hjartaáfall og heilablóðfall. Það var dýrmætt fyrir okkur og hann að eiga þennan tíma saman áður en sorgin barði að dyrum,“ segir Lilja Rafney, þakklát fyrir þau 53 ár sem þau Hilmar fylgdust að og uppskáru til viðbótar við börnin fjögur fimm barnabörn.

„Ástin leiddi okkur saman ung og ég kveð þig með söknuði, ástin mín,“ segir Lilja Rafney í færslunni og birtir meðfylgjandi myndir.

Fréttin hefur verið uppfærð.