Innlent

Átta í bílunum fjórum: Sumir al­var­lega slasaðir

Eiður Þór Árnason og Freyja Þórisdóttir skrifa
Viðbragðsaðilar bera einn hinna slösuðu úr flugvél á Reykjavíkurflugvelli á fjórða tímanum eftir hádegi í dag.
Viðbragðsaðilar bera einn hinna slösuðu úr flugvél á Reykjavíkurflugvelli á fjórða tímanum eftir hádegi í dag. Vísir/Anton

Hópslysaáætlun var virkjuð á Austurlandi vegna fjögurra bíla áreksturs á Jökuldal við Háreksstaðakvísl í dag. Tilkynnt var að átta væru um borð í bifreiðunum og einhverjir alvarlega slasaðir. Tvær þyrlur Landhelgisgæslunnar, björgunarsveitarmenn, lögregla, sjúkralið og Rauði krossinn taka þátt í aðgerðum. Slysið er talið alvarlegt. 

Greint er frá slysinu í tilkynningu frá lögreglunni á Austurlandi. Lögregla fékk tilkynningu um alvarlegt umferðarslys um klukkan hálf tólf í dag. Búið var að boða björgunarsveitir klukkan 11:42 og þyrlusveit Landhelgisgæslunnar þremur mínútum síðar. 

Vegurinn um Jökuldal var lokaður á meðan vinna á vettvangi stóð yfir. Lögregla hyggst ekki gefa út frekari upplýsingar á þessu stigi.

Fréttin hefur verið uppfærð.

Ef vaktin birtist ekki hér fyrir neðan er ráð að prófa að endurhlaða vefsíðuna.

Samgönguslys Björgunarsveitir Landhelgisgæslan Múlaþing

Mest lesið


Fleiri fréttir

Sjá meira
×

Mest lesið