Fresta haustfundi vegna al­var­legs slyss

Þetta kemur fram í tilkynningu á vef Landsnets. Í gær var greint frá því að einn hafi verið fluttur með þyrlu Landhelgisgæslunnar á slysadeild Landspítalans eftir slys í tengivirki við Vatnshamra. 

„Hjá Landsneti starfar samheldinn hópur fólks sem lætur sig hvert annað varða. Hugur starfs­fólks er nú hjá samstarfs­fé­laga okkar sem slas­aðist í gær. Í því ljósi hefur sú ákvörðun verið tekin að fresta haust­fund­inum og boða til hans að nýju síðar,“ segir í tilkynningunni. 

Valgeir Örn Ragnarsson, forstöðumaður samskipta hjá Landsneti, segir í samtali við fréttastofu að ekki verði frekari upplýsingar veittar um málið af hálfu félagsins að svo stöddu. 

Ásmundur Kristinn Ásmundsson, yfirlögregluþjónn á Vesturlandi, segir í samtali við fréttastofu að starfsmaðurinn hafi fengið í sig rafmagn. Hann hafi ekki misst meðvitund en hafi verið fluttur með þyrlu til Reykjavíkur. Málið sé til rannsóknar hjá embættinu og hafði hann ekki frekari upplýsingar um líðan starfsmannsins.