Innlent

Mátti ekki kalla dómarann „lausláta mellu“

Árni Sæberg skrifar
Margrét Friðriksdóttir var ákærð fyrir meiðyrði.
Margrét Friðriksdóttir var ákærð fyrir meiðyrði. Vísir/Lýður Valberg

Margrét Friðriksdóttir hefur verið dæmd til að greiða 200 þúsund króna sekt í ríkissjóð vegna ummæla hennar um Barböru Björnsdóttur héraðsdómara. Þess var ekki krafist að ummælin yrðu dæmd dauð og ómerk og þau standa því. Margrét kallaði Barböru meðal annars „lausláta mellu“.

Þetta var niðurstaða Héraðsdóm Reykjaness, sem kvað upp dóm klukkan 10:15. Greiði Margrét sektina ekki innan fjögurra vikna þarf hún að sæta 14 daga fangelsisvist.

Þá var henni gert að greiða rúmlega 600 þúsund króna málsvarnarlaun fyrri verjanda síns og tvo þriðju hluta þriggja milljóna króna málsvarnarlauna seinni verjandans. Einn þriðji greiðist því úr ríkissjóði.

Málið á rætur að rekja til þess þegar Barbara sakfelldi Margréti árið 2023, fyrir hótanir í garð baráttukonunnar Semu Erlu Serdaroglu í Héraðsdómi Reykjavíkur. Í kjölfarið birti Margrét færslu á samfélagsmiðlum þar sem hún kallaði Barböru meðal annars „lausláta mellu“.

Hún hélt því jafnframt fram að vitnisburðir í máli hennar hefðu verið falsaðir og um hefði verið að ræða „plott“ til að fá hana sakfellda.

Þess má geta að dómnum á hendur Margréti fyrir hótanirnar var áfrýjað til Landsréttar og þar var hún sýknuð.

Meiðyrðamál Margrétar Friðriksdóttur Tjáningarfrelsi Dómsmál Dómstólar

Tengdar fréttir

Margrét sýknuð í Landsrétti

Landsréttur hefur sýknað Margréti Friðriksdóttur, ritstjóra Fréttarinnar, af ákæru fyrir hótanir í garð Semu Erlu Serdar aðgerðarsinna fyrir utan Benzin Café á Grensásvegi árið 2018.

Margrét fær ekki að leiða dómaratríóið fyrir dóm

Héraðsdómur Reykjaness hefur hafnað kröfu Margrétar McArthur Friðriksdóttur um að fá að leiða dómarana Barböru Björnsdóttur, Símon Sigvaldason og Sigríði Hjaltested fyrir dóminn sem vitni í meiðyrðamáli lögreglunnar á hendur henni. Barbara og Símon höfðu áður gefið vitni en Margrét hélt því fram að Barbara hefði reynt að hafa áhrif á framburð Símonar. Þá vildi hún að Sigríður kæmi fyrir dóminn vegna ásakana Barböru um áralang einelti af hálfu Sigríðar.

Margrét átti lokaorðið í málinu og flutti Passíusálm

Endurtekinn málflutningur í meiðyrðamáli Margrétar Friðriksdóttur fór fram í morgun. Ákæruvaldið krefst þess að hún verði dæmd í þrjátíu daga fangelsi. Í lok þinghaldsins beindi Margrét orðum sínum að Barböru Björnsdóttur héraðsdómara og ítrekaði skoðun sína á henni, áður en hún flutti Passíusálm.

Mest lesið


Fleiri fréttir

Sjá meira


×

Mest lesið