Dæmdir fyrir að stela dósum af ÍBV

Eldri maðurinn var dæmdur í níutíu daga fangelsi og hinn í þrjátíu daga fangelsi, en fullnusta refsingar í tilfellum beggja skal niður falla, haldi þeir almennt skilorð í tvö ár.

Sá eldri var ákærður fyrir peningaþvætti með því að hafa ítrekað – að minnsta kosti fjórtán sinnum haustið 2023 – aflað sér rúmlega milljóna króna með því að skila inn endurvinnanlegum drykkjarumbúðum til Endurvinnslunnar og lagt inn á eigin bankareikning. Sá yngri aflaði sér að minnsta kosti 45 þúsund króna með sömu aðferð á sama tímabili.

Mennirnir höfnuðu því að fá verjanda til að gæta hagsmuna sinna og játuðu skýlaust sök í málinu.

Umræddur gámur er staðsettur við Hamarsveg í Vestmannaeyjum. Íþróttafélagið ÍBV fór fram á eina og hálfa milljón króna í skaðabætur, en lögmaður ÍBV staðfesti við meðferð málsins að mennirnir hafi þegar greitt umrædda kröfu.