Kominn undan feldi og svarið er nei

Kolbeinn Tumi Daðason skrifar 13. febrúar 2026 15:02

Valdimar ásamt konu sinni Sigurborgu Geirdal í hjarta Hafnarfjarðar. Hann segist hlakka til flokksþing Framsóknar um helgina. Vísir/Vilhelm

Valdimar Víðisson bæjarstjóri í Hafnarfirði ætlar ekki að gefa kost á sér til varaformennsku í Framsóknarflokknum. Hann segist hafa tekið áskoranir um slíkt alvarlega en á þessum tímapunkti þurfi fókus hans að vera á starfi flokksins í Hafnarfirði.

Þetta kemur fram í Facebook-færslu Valdimars. Hann upplýsti í samtali við Vísi í gær að skorað hefði verið á hann, hann hefði velt því fyrir sér og gerði enn.

„Ég taldi það skyldu mína að taka þeim áskorunum alvarlega, bera virðingu fyrir þeim og íhuga málið vel og vandlega í samráði við mitt nánasta fólk. Ég er innilega þakklátur fyrir þann stuðning og þá hvatningu sem ég hef fundið fyrir undanfarnar vikur,“ segir Valdimar.

„Eftir vandlega ígrundun finn ég í hjarta mínu að mitt meginverkefni á þessum tímapunkti er að halda áfram að byggja upp starf flokksins okkar hér í Hafnarfirði. Sveitarstjórnarkosningar eru fram undan og hugur minn og einbeiting þurfa að vera þar.“

Því hafi hann ákveðið að bjóða sig ekki fram til embættis varaformanns á flokksþingi sem verður sett á morgun. Stefán Vagn Stefánsson er einn í framboði til varaformanns. Barist verður um formennsku þar sem Ingibjörg Isaksen þingmaður og Lilja Alfreðsdóttir fyrrverandi ráðherra berjast um titilinn.

Ingibjörg og Lilja voru gestir Margrétar Helgu Erlingsdóttur í Pallborðinu á Vísi í gær.

Framsóknarflokkurinn Hafnarfjörður Flokksþing Framsóknar 2026

Tengdar fréttir

Íhugar að bjóða fram til varaformanns

Valdimar Víðisson, bæjarstjóri í Hafnarfirði, íhugar nú að bjóða sig fram til varaformanns Framsóknarflokksins. Stefán Vagn Stefánsson þingmaður flokksins er sá eini sem hefur gefið kost á sér til embættisins en tvær hafa boðið fram til formanns.

12. febrúar 2026 16:09

Ingibjörg fljót að rífa upp boxhanskana

Framsóknarmenn velja sér næsta formann Framsóknarflokksins á 38. flokksþingi Framsóknar, sem verður nú um helgina. Á sunnudaginn verður leiðtoginn kjörninn en valið stendur á milli þeirra Lilju D. Alfreðsdóttur, sem er varaformaður flokksins, og Ingibjargar Isaksen þingmanns Norðausturkjördæmis en hún er formaður þingflokks Framsóknar.

12. febrúar 2026 16:50

Þetta eru launin sem frambjóðendur geta vænst með kjöri í vor

Borgarfulltrúar í Reykjavík eru með langhæstu grunnlaunin meðal kjörinna fulltrúa á höfuðborgarsvæðinu en bæjarstjórar sveitarfélaganna sex eru með á bilinu tvær til þrjár milljónir króna í laun og aðrar fastar greiðslur á mánuði. Almennir bæjarfulltrúar á höfuðborgarsvæðinu eru flestir með á bilinu 350 til 420 þúsund krónur í föst grunnlaun á mánuði, en ofan á það leggjast ýmsar greiðslur fyrir formennsku og setu í ráðum og nefndum, og jafnvel er greitt fyrir setu á einstaka fundum, sem geta togað launin upp um nokkra hundraðþúsundkalla til viðbótar á mánuði.

9. febrúar 2026 06:47

Mest lesið

Fleiri fréttir