Innlent

Handtekinn vegna brunans í Auðbrekku

Sunna Karen Sigurþórsdóttir skrifar
Frá vettvangi fyrri hádegi í morgun.
Frá vettvangi fyrri hádegi í morgun. Vísir/Vilhelm

Einn hefur verið handtekinn í tengslum við eldsvoðann í íbúðarhúsnæði við Auðbrekku í Kópavogi í nótt, grunaður um íkveikju. Þetta staðfestir Gunnar Hilmarsson, aðalvarðstjóri hjá lögreglunni í Kópavogi.

Húsnæðið stóð í ljósum logum þegar slökkvilið bar að garði um klukkan þrjú í nótt. Fjórtán voru í húsinu á tveimur hæðum og fóru reykkafarar inn til að ganga úr skugga um að allir hefðu komist óhultir út. 

Allir komust út af sjálfsdáðum og var þeim útvegað skjól í strætisvagni áður en Rauði krossinn útvegaði þeim húsnæði.

Tæknideild lögreglu skoðar vettvanginn í morgun.Vísir/Vilhelm

Greiðlega gekk að slökkva eldinn en skemmdir eru talsverðar og sumir hafa enn ekki fengið að snúa aftur heim.

Gunnar segir að tæknideild lögreglu sé að störfum á vettvangi og að ekki sé hægt að veita frekari upplýsingar að svo stöddu.

Eins og sjá má eru töluverðar skemmdir á húsnæðinu.Vísir/Vilhelm
Slökkvilið Kópavogur Lögreglumál

Tengdar fréttir

Eldsvoði í Auðbrekku

Mikill eldur kom upp í íbúðarhúsnæði að Auðbrekku fjögur í Kópavogi um klukkan þrjú í nótt. Fjórtán manns voru í húsnæðinu á tveimur hæðum og sluppu allir út. 

Mest lesið


Fleiri fréttir

Sjá meira


×

Mest lesið