Veður á Austurlandi versnar enn

Lögreglan á Egilsstöðum skýrði frá því í dag að vegurinn á Möðrudalsöræfum væri lokaður vegna veðurs, sem og leiðin frá Egilsstöðum til Mývatns. Veginum á Sandvíkurheiði, sem liggur milli Vopnafjarðar og Bakkafjarðar, hefur einnig verið lokað.

Lögreglan á Egilsstöðum vildi koma því á framfæri við þá sem eru á svæðinu að halda kyrru fyrir í bílum sínum þar sem björgunarsveitir væru á leiðinni. Ekki er vitað á þessari stundu hversu margir eru fastir á svæðinu en vitað er að eitthvað er um útlendinga þar líka.