Fljúga tveimur vikum lengur

Í október 2024 sömdu Vegagerðin og flugfélagið Mýflug um áætlunarflug milli Vestmannaeyja og Reykjavíkur yfir vetrarmánuðina desember, janúar og febrúar. Samningurinn er í gildi í þrjú ár.

Samningurinn hefur nú verið framlengdur um tvær vikur og gildir til 15. mars 2025. Flogið verður fjórum sinnum í viku líkt og gert hefur verið undanfarna mánuði.

„Flugleiðin er styrkt sérstaklega af ríkin til að tryggja tímabundna lágmarksþjónustu á þessari leið á meðan markaðslegar forsendur eru ekki til staðar, enda er flugið mikilvægt fyrir íbúa og atvinnulíf á svæðinu,“ segir í tilkynningu frá Vegagerðinni.