Þessi skipa lista Samfylkingarinnar í Reykjanesbæ

Silja Rún Sigurbjörnsdóttir skrifar 28. janúar 2026 10:08

Frambjóðendur Samfylkingarinar í Reykjanesbæ með Kristrúnu Frostadóttur forsætisráðherra. Aðsend

Framboðslisti Samfylkingarinnar í Reykjanesbæ fyrir sveitarstjórnarkosningarnar 2026 hefur verið samþykktur. Fundur félgasmanna fór fram í gærkvöldi.

Stjórn Samfylkingarinnar í Reykjanesbæ lagði til uppstillingaraðferð við framboðslistann sem var samþykkt án athugasemdar. Dagmar Lóa Hilmarsdóttir var formaður uppstillingarnefndarinnar og haft er eftir henni að áhugi á þátttöku hafi verið mikill og fjölmargir hafi lýst yfir vilja til að taka sæti á listanum.

„Framboðslistinn endurspeglar hóp bæjarbúa með fjölbreyttan bakgrunn og reynslu, á breiðu aldursbili, jafna kynjaskiptingu og með góðri blöndu af nýjum einstaklingum ásamt reynslumeiri í málefnum bæjarstjórnarinnar,“ segir í fréttatilkynningu.

Framboðlisti Samfylkingarinnar í Reykjanesbæ:

1. Guðný Birna Guðmundsdóttir, forseti bæjarstjórnar Reykjanesbæjar og ritari Samfylkingar.

2. sæti – Hjörtur Magnús Guðbjartsson, kerfisstjóri.

3. sæti – Aðalheiður Hilmarsdóttir, atvinnu- og virkniráðgjafi hjá Reykjavíkurborg.

4. sæti – Bjarni Halldór Heiðuson, stjórnmálafræðingur.

5. sæti – Hámundur Örn Helgason, framkvæmdastjóri UMFN.

6. sæti – Sigurrós Antonsdóttir, bæjarfulltrúi og lögreglumaður.

7. sæti – Eysteinn Eyjólfsson, samskiptastjóri VIRK.

8. sæti – Hildur Björnsdóttir, lýðheilsufræðingur og kennari.

9. sæti – Magnús Einþór Áskelsson, þroskaþjálfi.

10. sæti – Elfa Hrund Guttormsdóttir, félagsráðgjafi og flugþjónn.

11. sæti – Hjálmar Kári Smárason, verkefnastjóri og markaðsstjóri.