Leit að flug­vélinni horfnu engan árangur borið

Um er að ræða eins hreyfils flugvél af gerðinni Cessna sem lagði af stað frá Kanada með flugmann um borð. Hún hvarf af ratsjám yfir Sermitsiaq-eyju seinni partinn í gær, laugardag, og leit var hafið skömmu síðar. Þessu greinir miðillinn Sermitsiaq frá en hann heitir í höfuðið á umræddu fjalli.

Í dag hafa viðbragðsaðilar leitað að flugvélinni í þyrlum og flugvélum auk þess að ganga um strönd eyjunnar.

Slæm veðurskilyrði gerði leitarmönnum erfitt fyrir en flugvélin er talin hafa mögulega brotlent á Sermitsiaq-fjalli. Fjallið rís upp úr Góðrarvonarfirði og gnæfir yfir höfuðborgina Nuuk. Það er einnig á skjaldarmerki borgarinnar. 

Síðasta skráða lofthæð flugvélarinnar nam 1143 metrum en Sermitsiaq-fjall er 1210 metrar á hæð.