Rigning með köflum sunnan- og vestan­lands

Á vef Veðurstofunnar segir að það verði bjartviðri norðaustantil framan af, en líkur á skúrum síðdegis.

Hiti á landinu verður á bilinu níu til sextán stig, hlýjast á Austurlandi.

Á morgun gera spár ráð fyrir fremur hægum vindi á landinu, víða skýjað með köflum og skúrir, einkum síðdegis.

Veðurhorfur á landinu næstu daga

Á fimmtudag: Suðvestlæg eða breytileg átt, 3-8 m/s og skúrir, en lengst af þurrt norðaustanlands. Hiti 10 til 16 stig.

Á föstudag: Fremur hæg breytileg átt. Bjart með köflum, en síðdegisskúrir fyrir norðan og dálítil væta suðvestantil um kvöldið. Hiti 8 til 16 stig.

Á laugardag: Breytileg átt 3-8 og dálítil væta sunnan heiða, en síðdegisskúrir norðantil. Hiti breytist lítið.

Á sunnudag: Breytileg átt 3-8 og bjart með köflum en víða síðdegisskúrir. Hiti 10 til 16 stig.

Á mánudag: Norðlæg átt og skýjað með lítilsháttar vætu norðan- og austanlands, en bjart með köflum suðvestantil. Hiti 9 til 17 stig, hlýjast á Suðurlandi.

Á þriðjudag: Útlit fyrir suðvestlæga átt með björtu veðri á Norðausturlandi og hlýnar þar, en þykknar upp vestanlands.