Vara börn við hættu­legum leik á Sauð­á

Mikill kuldi hefur verið síðustu daga og vikur og þar af leiðandi hefur verið mikil klakamyndun og ísing á ám og lækjum.

Þetta kemur fram í tilkynningu á vef Skagafjarðar. Þar kemur jafnframt fram að talsvert sé af vatni sem sé farið að renna ofan á ísinn.

Þar er biðlað til foreldra og forráðamanna að brýna fyrir börnum að leika sér ekki á ísnum á Sauðá, né í kringum ána.

„Nauðsynlegt er að ræða við börn um hættuna sem stafar af slíkum leik,“ segir í tilkynningunni.