Formúla 1

Gerði grín að á­standi Schumachers í beinni út­sendingu

Ingvi Þór Sæmundsson skrifar
Michael Schumacher varð sjö sinnum heimsmeistari í Formúlu 1.
Michael Schumacher varð sjö sinnum heimsmeistari í Formúlu 1. getty/Andy Hone

Spænskur Formúlu 1 sérfræðingur hefur verið harðlega gagnrýndur fyrir að gera grín að ástandi Michaels Schumacher í beinni útsendingu.

Schumacher lenti í skíðaslysi fyrir áratug og hefur ekki sést opinberlega síðan þá. Lítið er vitað um ástand hans en vinur hans, fjölmiðlamaðurinn fyrrverandi Roger Benoit, sagði stöðu hans vonlausa.

Í beinni útsendingu frá japanska kappakstrinum um helgina í spænsku sjónvarpi sagði einn sérfræðingur að einn að bifvélavirki Red Bull væri skjálfandi á beinunum því annar sérfræðingur, Antonio Lobato, væri á leiðinni.

Lobato svaraði með því að segja: „Leyfum Michael að skjálfa, nei ekki Michael því hann getur ekki skolfið.“

Ummæli Lobatos þóttu afar ósmekkleg og hann hefur verið hvattur til að biðjast afsökunar, eða hreinlega að segja af sér.

Akstursíþróttir Skíðaslys Michael Schumacher

Tengdar fréttir

„Ekki ná­lægt því að vera sá Michael sem við öll þekktum“

Johnny Her­bert, náinn vinur og fyrrum liðs­fé­lagi For­múlu 1 goð­sagnarinnar Michael Schumacher, segir aldrei neinar já­kvæðar fréttir berast af líðan þýsku goð­sagnarinnar sem lenti í al­var­legu skíða­slysi árið 2013 og lítið hefur spurst til síðan þá. Á­standið hafi skiljan­lega tekið sinn toll á yngri bróðir Michaels, Ralf Schumacher.

Mest lesið


Fleiri fréttir

Sjá meira


×

Mest lesið