Innlent

Allir heimilis­menn virðast hafa sloppið við smit

Óttar Kolbeinsson Proppé skrifar
Hjúkrunarheimilið Ás er í Hveragerði. Það er eitt af Grundarheimilunum.
Hjúkrunarheimilið Ás er í Hveragerði. Það er eitt af Grundarheimilunum. Grundarheimilin

Enginn heimilis­maður á hjúkrunar­heimilinu Ási greindist smitaður af kórónu­veirunni í skimun sem var gerð á þeim í gær. Starfs­maður hjúkrunar­heimilisins greindist með veiruna fyrr í vikunni.

Þetta kemur fram í til­kynningu frá Grundar­heimilunum sem reka Ás. Alls voru 33 heimilis­menn skimaðir fyrir veirunni í gær auk tveggja starfs­manna. Allir reyndust nei­kvæðir.

Á­fram verður þó lokað fyrir heim­sóknir á hjúkrunar­heimilið.

Líðan heimilis­manna Grundar er góð

Heimilis­mennirnir tveir á Grund við Hring­braut sem greindust smitaðir af kórónu­veirunni í síðustu viku eru nú ein­kenna­lausir og líður vel.

Þeir eru enn í ein­angrun en líðan þeirra góð miðað við að­stæður að sögn Gísla Páls Páls­sonar, for­stjóra Grundar­heimilanna.

Faraldur kórónuveiru (COVID-19) Hjúkrunarheimili Hveragerði

Tengdar fréttir

Öll sýni neikvæð á Grund

Öll sýni sem tekin voru hjá íbúum og starfsfólki á hjúkrunarheimilinu Grund eftir að smit greindist hjá starfsmanni reyndust neikvæð. 

Mest lesið


Fleiri fréttir

Sjá meira


×

Mest lesið