Talið að konan hafi fallið í sjó við Dyrhólaey

Björgunarsveitir af Suðurlandi hófu í morgun  leit að nýju við Dyrhólaey. Leitað er að konu sem saknað hefur verið síðan 20.desember síðastliðinn.

Leitað var fram á kvöld í gær og hófst leit Björgunarsveita og lögreglu áfram klukkan 9 í morgun. Leitarsvæðið er strandlengjan frá Þorlákshöfn að Skaftá en talið er að konan hafi fallið í sjóinn við Dyrhólaey á föstudag.

Þyrla Landhelgisgæslunnar aðstoðar við leitina en leitað verður fram til klukkan 15.

Lokun hefur verið sett á Dyrhólaey á meðan að leit stendur yfir.