Heimili rýmd nærri herflugstöð

Nokkrir handteknir snemma í morgun og er mikill viðbúnaður viðbragðsaðila á svæðinu. Rannsókn sé nú í höndum sérsveitarlögreglu gegn hryðjuverkum, segir í breskum miðlum á borð við Sky News og BBC.

Lögreglan í Gloucester-skíri greindi frá því að íbúar í Whelford, bæ rúmum sex kílómetrum frá Fairford-flugstöð breska flughersins, hefðu verið látnir yfirgefa heimili sín „í kjölfar tilkynningar um meiriháttar atvik.“

Bandaríski herinn hefur haft aðsetur á flugstöðinni frá því að átök Bandaríkjanna og Írans hófust í febrúar síðastliðnum.

Wes Streeting varnarmálaráðherra þakkaði viðbragðsaðilum fyrir skjót viðbrögð í færslu á miðlinum X. 

„Við getum verið fullviss um að verið sé að takast á við þetta,“ skrifar hann. Andy Burnham forsætisráðherra er sagður fylgjast grannt með málum. 

Fréttin hefur verið uppfærð.