Lýsa yfir neyðar­á­standi í Was­hington vegna gróður­elda

Tæplega þúsund slökkviliðsmenn sinna slökkvistarfi en ekki hefur enn náðst að ráða niðurlögum eldanna sem loga í nágrenni Spokane-borgar.

Um sjö hundruð byggingar hafa eyðilagst í eldunum en upptök þeirra eru enn óljós. Ríkisstjóri Washington, Bob Ferguson, hefur lýst yfir neyðarástandi í ríkinu. 

Lisa Brows, borgarstjóri Spokane, segir eldana vera verstu náttúruhamfarir sem svæðið hefur orðið fyrir en enn sé verið að meta umfang tjónsins. 

Sterkir vindar og mikill þurrkur á svæðinu hraða útbreiðslu eldanna og hefur bandaríska veðurstofan (The National Weather Service) varað við mikilli eldhættu.