Lengri útsending frá Gunnlaugi á U.S. Open

Aron Guðmundsson skrifar 18. júní 2026 10:26

Gunnlaugur Árni hefur verið að gera frábæra hluti upp á síðkastið Vísir/Getty

Sýn Sport hefur tekist að landa samkomulagi um að hafa lengri útsendingu frá öðrum hring á U.S. Open risamótinu í golfi á morgun og mun útsending hefjast á Sýn Sport um leið og Gunnlaugur Árni Sveinsson fer af stað í sinn annan hring á mótinu.

Upphaflega átti útsending að hefjast klukkan fjögur á morgun en þegar í ljós kom að Gunnlaugur Árni myndi hefja sinn annan hring á mótinu klukkan 12.25 í hádeginu fóru af stað viðræður um að fá merki frá mótinu fyrr.

Þær viðræður skiluðu jákvæðri niðurstöðu því nú mun bein útsending á Sýn Sport frá U.S.Open hefjast klukkan hálft eitt og standa yfir langt fram á kvöld þar til öðrum hring lýkur og það kemur í ljós hvaða kylfingar komast í gegnum niðurskurð.

Risamótið hefst hins vegar í dag og þar mun Gunnlaugur Árni rita nýjan kafla í íslenskri íþróttasögu með því að verða fyrsti Íslendingurinn til þess að spila á mótinu.

Bein útsending frá U.S. Open í dag hefst klukkan fjögur á Sýn Sport. Við hefjum síðan leika klukkan hálf eitt á morgun. Hægt er að kaupa áskrift að Sýn Sport hér.

Opna bandaríska

Tengdar fréttir

Völlurinn of erfiður á síðustu tveim risamótum

Opna bandaríska risamótið í golfi hefst í dag og er Íslendingurinn Gunnlaugur Árni Sveinsson meðal kylfinga á mótinu. Keppt verður á Shinnecock Hills-vellinum í New York-fylki en völlurinn hefur að margra mati verið of erfiður á síðustu tveim risamótum sem hafa verið leikin á vellinum.

18. júní 2026 09:31

Íslendingarnir fengu mjög góð ráð frá Patrick Reed

Gunnlaugur Árni Sveinsson þarf að eiga meira en góð högg til að hitta flatirnar á Shinnecock Hills, þegar hann verður fyrstur Íslendinga til að keppa á Opna bandaríska mótinu í golfi á morgun. Hann býr núna að góðum ráðum frá Patrick Reed sem þekkir það að vinna risamót.

17. júní 2026 15:29

„Ísland ætti ekki að eiga kylfing sem spilar svona vel“

Gunnlaugur Árni Sveinsson er klár í stóra sviðið sem U.S. Open risamótið í golfi er. Þetta segir þjálfari hans við LSU háskólann í Bandaríkjunum. Gunnlaugur sé með nálgun atvinnumanns og geti nú sýnt heiminum hversu góður kylfingur hann sé.

17. júní 2026 08:02

Allt sem þú þarft að vita: Ráshópur og rástími Gunnlaugs á U.S. Open

Gunnlaugur Árni Sveinsson verður á fimmtudaginn kemur fyrsti Íslendingurinn til þess að spila á U.S. Open risamótinu í golfi í karlaflokki. Um fyrsta risamót Gunnlaugs er jafnframt að ræða og er ráshópur hans fyrir fyrstu tvo keppnisdaga mótsins klár.

16. júní 2026 23:00

Athyglin mun meiri en Gunnlaugur með báða fætur á jörðinni

Íslenski kylfingurinn Gunnlaugur Árni Sveinsson fær nú umtalsvert meiri athygli frá fjölmiðlum og viðskiptatengdum aðilum nú þegar dregur nær fyrsta risamóti hans á ferlinum. Umboðsmaður Gunnlaugs segir hann með báða fætur á jörðinni.

16. júní 2026 07:03

Gunnlaugur æfði óvænt með DeChambeau og Reed

Gunnlaugur Árni Sveinsson fær frábæran undirbúning fyrir Opna bandaríska meistaramótið í golfi. Fyrir æfingahringinn með besta kylfingi heims fékk hann óvænt að æfa með Bryson DeChambeu og Patrick Reed.

15. júní 2026 11:29

Gunnlaugur æfir með þeim besta í heimi fyrir U.S. Open

Gunnlaugur Árni Sveinsson fær dýrmæta reynslu í aðdraganda síns fyrsta risamóts á golfferlinum. Hann mun taka æfingarhring með besta kylfingi heims um þessar mundir, Scottie Scheffler. Þjálfari Gunnlaugs hjá LSU segir hann tilbúinn fyrir stóra sviðið.

12. júní 2026 09:30

Á sama sviði og hetjurnar: „Verður ótrúlega skemmtilegt að upplifa“

Gunnlaugur Árni Sveinsson varð á dögunum fyrsti íslenski kylfingurinn til að tryggja sig inn á US Open risamótið í karlaflokki. Kappinn fann á sér á keppnisdeginum að þetta yrði hans dagur, mótlæti braut hann ekki, heldur efldist hann bara við það. Mót með þeim bestu í heimi bíður.

11. júní 2026 10:01

Stoltir foreldrar: Gunnlaugur „manifestaði“ birtu eftir erfitt vor

„Þetta er svo ofsalega stórt og ég held að maður átti sig ekki alveg á þessu fyrr en mótið rennur upp eftir rúma viku,“ segir Sveinn Kristinn Ögmundsson, pabbi Gunnlaugs Árna sem fyrstur íslenskra karla vann sig inn á Opna bandaríska mótið í golfi. Foreldrar Gunnlaugs Árna mættu í Bítið á Bylgjunni, eðlilega að rifna úr stolti.

10. júní 2026 09:37

Risa afrek Gunnlaugs og samanburður við þá bestu áhugaverður

Gunnlaugur Árni Sveinsson tryggði sér í fyrradag, fyrstur Íslendinga, sæti á U.S. Open risamótinu í golfi í karlaflokki eftir bráðabana á úrtökumóti í Ohio í Bandaríkjunum. Risastór tíðindi sem koma þó ekki einum helsta golfsérfræðingi landsins á óvart. Þetta sé ekki endastöð hjá Gunnlaugi, bara byrjunin.

10. júní 2026 07:30