Segir Írani hafa skotið niður þyrlu Banda­ríkjanna

„Ég hef rétt í þessu fengið tilkynningu frá okkar frábæra her að í nótt hafi Íranir skotið niður eina af okkar hátæknivæddu Apache-þyrlum í eftirlitsflugi yfir Hormússund,“ skrifar Trump í færslu á Truth Social.

Tveir flugmenn voru um borð, báðir heilir á húfi og ómeiddir. 

„Engu að síður verða Bandaríkin, af nauðsyn, að bregðast við þessari árás.“

Í byrjun apríl komust Bandaríkin, Ísrael og Íran að vopnahléssamkomulagi. Fyrir nokkrum dögum kom hins vegar aftur til átaka milli Ísraels og Íran. Það var fyrsta árás Írana á Ísrael í tæpan mánuð og hefndu Ísraelar með sinni eigin árás.