Biles vann fimmta Ólympíugullið sitt

Biles og stöllur hennar í bandaríska liðinu sýndu allar sínar bestu hliðar og fengu samtals 171.296 í einkunn.

Bandaríkin fengu silfur í liðakeppninni á Ólympíuleikunum í Tókýó fyrir þremur árum en í París var aldrei spurning um hvert besta liðið var. 

Ítalía varð í 2. sæti með 165.494 í einkunn og Brasilía fékk brons með einkunn upp á 164.497.

Auk Biles voru Jordan Chiles, Jade Carey, Hezly Rivera og Sunisa Lee í bandaríska liðinu. Bandaríkin hafa unnið gull í liðakeppni kvenna á þremur af síðustu fjórum Ólympíuleikum.

Biles hefur nú unnið 38 verðlaun á stórmótum og getur enn bætt medalíum í safnið í einstaklingskeppninni í París.