Gylfi lætur af störfum sem for­stjóri

Þetta kemur fram í til­kynningu á vef stofnunarinnar. Þar segir að Hildur Elísa­bet Péturs­dóttir verði for­stjóri frá 16. októ­ber þangað til nýr for­stjóri tekur við.

„Tíminn í stofnuninni hefur verið afar skemmti­legur og lær­dóms­ríkur. Mér hefur verið tekið vel af öllum innan og utan stofnunar, þar með talið í upp­hafi þegar ég tók til starfa fremur ungur og reynslu­lítill í störfum innan heil­brigðis­kerfisins og stjórnun,“ segir Gylfi í til­kynningu stofnunarinnar.

Hann segir fjöl­margt hafa á­unnist í starfi sínu síðast­liðin fimm ár. Niður­stöður úr könnun um stofnun ársins hafi þannig verið hæstar hjá stofnuninni tvö ár í röð í saman­burði við systur­stofnanir. Árið 2018 hafi stofnunin verið lægst í þessum saman­burði.

„Við höfum gert tals­verðar breytingar til að sam­eina stofnunina í eina heild, gert sam­skipti innan stofnunarinnar skil­virkari, tekið í gagnið fjöl­mörg tölvu­kerfi, sett á fót geð­teymi, keypt þrjú stór mynd­greininga­tæki og endur­nýjað skurð- og slysa­stofur, þjálfað vett­vangs­liða, tekið skjala­með­höndlun fastari tökum, gefið aftur út árs­skýrslur og haldið árs­fundi, inn­leitt jafn­launa­vottun og per­sónu­vernd, inn­leitt nýtt út­lit og gert aðrar innri breytingar sem of langt mál er að rekja. Þá marka við­brögð við Co­vid-far­aldrinum djúp spor í sögu síðustu fimm ára.1“

Gylfi segir þó að auð­vitað hafi ekki allt gengið eins og í sögu. Stofnunin hafi verið rekin með tals­verðum halla, hús­næðis­mál gætu verið betri og þá sé mönnun stöðug á­skorun, sér­stak­lega í lækna­liðinu.

„Aðal­at­riðið er þó þetta: Hið raun­veru­lega mark­mið með rekstri stofnunarinnar er að veita fjöl­breytta og góða heil­brigðis­þjónustu og það hefur tekist. Heilsu­gæslan hefur veitt æ meiri og skjótari þjónustu. Fæðingar- og skurð­þjónustan stendur ó­högguð þó gefið hafi á bátinn og að­stæður séu oft erfiðar. Starfs­fólkið er frá­bært.“

Hann segir tæki­færin á Vest­fjörðum gríðar­leg en hugur sinn leiti í önnur verk­efni á heima­slóð. Stofnunin eigi ekkert annað skilið en fulla at­hygli for­stjórans.

Stefnt er að því að Hildur Elísa­bet Péturs­dóttir fram­kvæmda­stjóri hjúkrunar verði sett for­stjóri frá 16. októ­ber, og Rann­veig Björns­dóttir deildar­stjóri sjúkra­deildar verði fram­kvæmda­stjóri hjúkrunar þangað til nýr for­stjóri hefur verið skipaður. Heil­brigðis­ráðu­neytið mun aug­lýsa starfið á næstu vikum, að því er segir í til­kynningu stofnunarinnar.