Innlent

Stærsti skjálftinn í nótt 4,2 að stærð

Kjartan Kjartansson skrifar
Svæðið sunnan við Fagradalsfjall hefur verið sérstaklega virkt síðustu daga.
Svæðið sunnan við Fagradalsfjall hefur verið sérstaklega virkt síðustu daga. Vísir/Vilhelm

Jarðhræringar á Reykjanesskaga héldu áfram í nótt og var stærsti jarðskjálftinn 4,2 að stærð þegar klukkuna vantaði tuttugu mínútur í fimm í morgun. Alls mældust sjö skjálftar þrír eða stærri eftir miðnætti í nótt.

Stóri skjálftinn átti upptök sín á um 3,6 kílómetra dýpi um 2,7 kílómetra suðsuðvestur af Fagradalsfjalli klukkan 4:40 samkvæmt sjálfvirkum mælingum Veðurstofu Íslands.

Aðrir stærri jarðskjálftar sem mældust í nótt voru á bilinu 3,0 til 3,7 að stærð. Upptök þeirra allra voru sunnan við Fagradalsfjall.

Síðustu tvo sólarhringana hafa tæplega 2.200 jarðskjálftar mælst. Af þeim hafa 56 verið stærri en þrír.

Jarðhræringar á Reykjanesi Eldgos og jarðhræringar

Mest lesið


Fleiri fréttir

Sjá meira


×

Mest lesið