Sækja slasaða konu á Fimmvörðuháls

Á þriðja tímanum í dag voru björgunarsveitir á Suðurlandi kallaðar út vegna slasaðrar konu á Fimmvörðuhálsi.

Að því er fram kemur í tilkynningu frá Landsbjörg er konan slösuð á fæti og stödd ofarlega á Fimmvörðuhálsi, miðja vegu milli Baldvinsskála og Fimmvörðuhálsskála.

Hálftíma eftir að útkall barst voru fyrstu hópar björgunarsveita ásamt sjúkraflutningamönnum komnir að Skógum og héldu af stað upp Fimmvörðuháls.

Annað göngufólk er hjá konunni og þá ættu fyrstu viðbragðsaðilar einnig að vera komnir til hennar.