Ferðamenn komnir í leitirnar

Ferðalangarnir fjórir sem björgunarsveitarmenn hófu að leita að í dag eru komnir í leitirnar. Ferðamennirnir fóru frá Höfn í Hornarfirði á tveimur bílum í morgun og var ekki vitað um ferðir þeirra. Komið hefur í ljós að þeir óku austur á firði þar sem þeir dvelja nú á Egilsstöðum.

Fyrr í dag hófu björgunarsveitarmenn eftirgrennslan eftir öðrum hópi ferðmanna en þar voru einnig á ferðinni fjórir einstaklingar. Talið var að þeir væru týndir á gossvæðinu en síðar kom í ljós að þeir voru í góðu yfirlæti á Gullfossi.