Garðbæingar halda samstöðufund

Um 70 manns ætla að mæta í Aratún í Garðabæ í kvöld og sýna þeim sem hafa orðið fyrir ofbeldi frá nágrönnum sínum stuðning. Á Snjáldurskinnu segir að fundurinn verður haldinn fyrir utan hús þeirra sem fyrir ofbeldinu urðu til að sýna þeim stuðning. „Hann er ætlaður til að sýna það svart á hvítu að samfélagið sættir sig ekki við hegðun eins og þau urðu fyrir," segir á síðunni.

Fólkið ætlar að hittast í Aratúninu klukkan níu en tekið er fram á síðunni að allt muni fara friðsamlega fram og ekki verður farið inn á lóð hins meinta árásarmanns. „Mætum öll og sýnum stuðning," segir að lokum.

Hægt er að sjá síðuna hér.