Um 100 manns í Hvolsskóla

Um 100 manns eru komnir í fjöldahjálparmiðstöðina í Hvolsskóla, að því er Vilhelm Gunnarsson, ljósmyndari Fréttablaðsins telur.

Vilhelm, sem staddur er í Hvolsskóla, segir að útlendingar séu þar áberandi. Þá eru mörg börn á staðnum. Allt gengur vel samkvæmt upplýsingum Vísis.

Lögreglan á höfuðborgarsvæðinu og sérsveit Ríkislögreglustjóra eru á leið austur til að aðstoða lögregluna á Hvolsvelli.

Talið er að um 700 manns þurfi að yfirgefa heimili sín vegna gossins, en það er svipað og var þegar gos hófst á Fimmvörðuhálsi fyrir um það bil mánuði síðan.