Skipaflutningar

Fréttamynd

Hútar sagðir hörfa frá mynni Rauða­hafs

Sveitir ríkisstjórnar Jemen hafa sótt hratt fram gegn Hútum við strendur Rauðahafs. Ríkisstjórnin segist hafa hernumið mestallt það svæði sem Hútar lögðu skyndilega undir sig í síðasta mánuði og mun ríkisstjórnin hafa náð aftur stjórn á Bab el-Mandeb-sundi við suðurenda Rauðahafs.

Erlent
Fréttamynd

„Farið að rofa til“ í rekstri Eim­skips og sjá fram á mun meiri fram­legð

Verðmat á Eimskip hefur verið hækkað eftir að rekstur félagsins reyndist talsvert sterkari en væntingar stóðu til á öðrum ársfjórðungi og hagræðingaraðgerðir eru farnar að skila sýnilegum árangri. Greinendur telja að framlegð flutningafélagsins geti batnað mun hraðar en áður var spáð, þótt aðstæður á alþjóðlegum gámaflutningamarkaði séu áfram krefjandi.

Innherjamolar
Fréttamynd

Hluturinn sem fannst í sjónum reyndist mein­laus

Óþekktur málmhlutur sem fannst í sjónum nærri Helsinki í Finnlandi virðist samkvæmt frummati vera „mjög gamall vélrænn hluti úr skipsflaki“. Lögreglan á svæðinu lokaði fyrir skipaumferð á svæðinu og var finnski herinn kallaður til aðstoðar eftir að tilkynning barst um að trektlaga hlutur hefði fundist í sjónum suður af eyjunni Kustaanmiekka.

Erlent
Fréttamynd

Arnar­fell dregið til Fær­eyja

Bilun kom upp í Arnarfelli, gámaflutningaskipi Samskipa, er það silgdi á milli Hjaltlandseyja og Færeyja í gær. Skipið var á leið til Rotterdam í Hollandi. Skipið verður dregið í land til Runavíkur í Færeyjum. Engan sakaði að sögn Samskipa, sem segja að orsök bilunarinnar sé þekkt.

Innlent
Fréttamynd

Olíu­birgðir að klárast og krísa lík­leg

Búið er að vara lengi við því að takmarkanir á flutningum olíuafurða um Hormússund muni á endanum leiða til olíukrísu. Yfirmenn bandarískra olíufélaga segja að sú krísa sé nú að raungerast. Olíubirgðir víða um heim séu að verða tómar og vandræði Sáda við að flytja út olíu um aðrar leiðir en sundið hafa aukið á vandann.

Viðskipti erlent
Fréttamynd

Réðust á fleiri olíu­flutninga­skip

Bandaríkjamenn gerðu í dag árásir á fimm olíuflutningaskip Írana til viðbótar, eftir að Íranir skutu eldflaugum í átt að bandarísku herskipi. Íranir svöruðu með umfangsmiklum eldflaugaárásum.

Erlent
Fréttamynd

Skutu tugum eld­flauga og dróna að borgum Sádi-Arabíu

Hútar skutu í nótt tugum dróna og eldflauga að fjórum borgum í Sádi-Arabíu. Að minnsta kosti 73 eru særðir eftir árásirnar og ollu þær meðal annars skemmdum á olíuvinnsluinnviðum. Ráðamenn í Sádi-Arabíu heita umfangsmiklum viðbrögðum en átök hafa harðnað í Jemen að undanförnu.

Erlent
Fréttamynd

Klerka­stjórnin missir tökin

Ráðamenn í Íran vöruðu í dag við því að þeir gætu gert árásir á bandarísk skotmörk í Mið-Austurlöndum og á olíuvinnsluinnviði í nágrannaríkjum sínum. Klerkastjórnin virðist þó vera að missa tökin á Hormússundi og þar af leiðandi missa vogarafl í mögulegum viðræðum við Bandaríkjamenn.

Erlent
Fréttamynd

Hyggst kanna hug í­búa til á­forma í Finnafirði

Sveitarstjórn Langanesbyggðar hefur ákveðið kanna hug íbúa til áforma um gerð vindmyllugarða í sveitarfélaginu og iðnaðarsvæðis við Finnafjörð í tengslum við gerð stórskipahafnar. Málið þykir heitt meðal íbúa en oddvitinn segir niðurstöðurnar verða hafðar til hliðsjónar við framhald málsins.

Innlent
Fréttamynd

Sjó­ræningjar tóku tyrk­neskt hergagnaskip

Útlit er fyrir að sómalskir sjóræningjar séu aftur byrjaðir að láta til sín taka á Adenflóa og Rauðahafi, eftir að hafa látið lítið fyrir sér fara um árabil. Fyrr í vikunni réðust sjóræningjar um borð í tyrkneskt skip sem var meðal annars að flytja vopn og sigldu því til Sómalíu.

Erlent
Fréttamynd

Myndaveisla: Ríf­lega fimm­tíu sögu­leg segl­skip prýddu flóann

Síðustu daga, og þá sér í lagi þann 4. júlí, fóru fram viðburðir víðs vegar um Bandaríkin til að fagna 250 ára afmæli sjálfstæðis þjóðarinnar. Í erlendum miðlum kemur fram að bandaríska þingið hafi úthlutað 150 milljónum bandaríkjadala til hátíðarhaldanna en upphæðin nemur um átján billjónum íslenskra króna. Meðal dagskrárliða var vegleg skipasýning en aðrir viðburðir voru meðal annars fylkissýning til heiðurs öllum landshlutum Bandaríkjanna, yfirflug orrustuþotna og opnun forsetabókasafns.

Lífið
Fréttamynd

Íran gerir á­rásir á Barein og Kúveit í kjöl­far á­rása Banda­ríkjanna

Enn eykst spenna í Mið-Austurlöndum en Íslamska byltingarvarðliðið í Íran (IRGC) hefur staðfest dróna- og loftskeytaárásir á Barein og Kúveit. Árásirnar hafi beinst að flugstöð Bandaríkjanna í Kúveit og flota Bandaríkjanna í Barein en hersveitir Bandaríkjahers héldu árásum sínum áfram og skutu á írönsk skotmörk í gær, laugardaginn 27. júní.

Erlent
Fréttamynd

Námu­félagið Green­land Mines tryggir sér for­kaups­rétt í Helgu­vík

Námufyrirtækið Greenland Mines hefur náð samkomulagi við Reykjanes Investment sem veitir bandaríska félaginu forkaupsrétt á um 60 þúsund fermetra lóð sem áður hýsti kísilverið í Helguvík ásamt fyrirliggjandi iðnaðarhúsnæði og innviðum. Samkvæmt áformum Greenland Mines gæti svæðið orðið að miðstöð fyrir vinnslu og flutninga á sjaldgæfum málmum tengt verkefnum félagsins á Grænlandi.

Innherjamolar
Fréttamynd

Íranir segjast ætla að taka gjald af siglingum um sundið

Gjaldtaka af skipum sem sigla um Hormússund hefst eftir að tveggja mánaða viðræðum Írana og Bandaríkjamanna lýkur, að sögn íranskra stjórnvalda. Samkomulag sem skrifað var undir í vikunni kveður á um að sundið verði opnað og án gjaldheimtu.

Erlent
Fréttamynd

Breski herinn stöðvaði skip úr skuggaflota Rússa

Breski herinn stöðvaði skip úr skuggaflota Rússa á Ermarsundi snemma í morgun, að sögn Keir Starmer, forsætisráðherra Bretlands en aðgerðin stóð yfir í um sex klukkustundir. Hann segir þetta vera í fyrsta sinn sem breski herinn fer um borð í rússneskt olíuskip á Ermasundi.

Erlent
Fréttamynd

Skipagöngin sam­þykkt eftir pólitísk hrossa­kaup

Skipagöngin við Stað í Noregi verða að veruleika eftir áratuga undirbúning og pólitískar deilur. Þetta varð ljóst eftir að minnihlutastjórn Verkamannaflokksins var niðurlægð með hrossakaupum í norska Stórþinginu við afgreiðslu fjáraukalaga í nýliðinni viku.

Fréttir
Fréttamynd

Óttast for­dæmið sem á­kvörðun ráð­herra setur um Baldur

Sveitarstjóri Stykkishólms segir tilfærslu á ferjunni Baldri til Vestmannaeyja óheppilega, fyrirvarann of stuttan og tilfærslan ekki í samræmi við samkomulag við ríkið. Sveitarfélögin á svæðinu mótmæla ákvörðun innviðaráðherra um að færa ferjuna og sérstaklega því fordæmi sem ákvörðunin kann að skapa.

Innlent
Fréttamynd

Sam­komu­lagi náð og verk­falli af­lýst

Eimskip og Sjómannafélag Íslands (SÍ) hafa undirritað samkomulag um að aflýsa verkfalli háseta og bátsmanna á þremur skipum félagsins.  Á mánudag, þann 25. maí, hófu hásetar og bátsmenn í Sjómannafélagi Íslands ótímabundið verkfall á stærstu skipum félagsins: Brúarfossi, Dettifossi og Selfossi. 

Innlent
Fréttamynd

Vilja verja pláss ís­lenskra sjó­manna

Hásetar og bátsmenn í Sjómannafélagi Íslands hófu á mánudag ótímabundið verkfall á þremur skipum Eimskips sem stendur enn. Eimskip segir það miður að ekki hafi náðst samningar og ekki liggi fyrir umfang tjóns af aðgerðum. Unnið hafi verið að því að lágmarka áhrif verkfallsins á viðskiptavini.

Innlent

Mest lesið