Myndaveisla: Ríf­lega fimm­tíu sögu­leg segl­skip prýddu flóann

Til viðbótar við upphæðina sem þingið lagði til varði hópurinn Freedom 250, sem Donald Trump Bandaríkjaforseti stofnaði, nokkrum milljónum bandaríkjadala í afmælisveisluna.

Forsetinn varði 3. júlí, aðfaranótt sjálfstæðisdagsins, á ferðalafi en í umfjöllun breska ríkisútvarpsins (BBC) kemur fram að hann hafi verið viðstaddur fyrstu flugeldasýninguna í sex ár við Mount Rushmore þjóðarminnismerkið, höggmynd í Black Hills sem sýnir fjóra sögulega forseta Bandaríkjanna, í  Suður-Dakóta.

Skip frá öllum heimshornum

Sama dag mátti líta skipaflota sem lá fyrir akkerum rétt undan landi við Sandy Hook-flóann í New Jersey en á sjálfan sjálfstæðisdaginn, laugardaginn 4. júlí, sigldu skipin svo niður Hudson-ánna og inn í New York höfn í tæka tíð fyrir seglskipasýningu.

Í umfjöllun staðarmiðilsins News 12 segir að himinhá möstur, litríkir fánar og söguleg skip frá öllum heimshornum hafi prýtt flóann og fólk hafi þar safnast fyrir og skoðaði þau í gegnum sjónauka og tók myndir. Við New York höfn hafi svo milljónir fylgst með skipunum sigla í höfn.

Hér að neðan má sjá brotabrot þeirra skipa sem voru til sýnis.