Lagarde hættir snemma sem seðlabankastjóri

Samúel Karl Ólason skrifar 29. október 2026 10:44

Christine Lagarde hefur sagt að hún vilji koma með einhverjum hætti að forsetakosningum í Frakklandi á næsta ári. Þá er talið að hún myni taka að sér stjórn Alþjóðaefnahagsráðsins. AP/Michael Probst

Christine Lagarde, forseti Seðlabanka Evrópu, hefur sagt upp og mun láta af störfum í febrúar. Það er átta mánuðum áður en átta ára kjörtímabili hennar lýkur. Orðrómur um að hún ætli að láta af störfum hefur verið á kreiki um nokkurra mánaða skeið og hafa líkur verið leiddar að því að hún ætli að hefjast störf hjá Alþjóðaefnahagsráðinu (World economic forum).

Lagarde hefur einnig sjálf gefið til kynna að hún vilji koma með einhverjum hætti að forsetakosningum í Frakklandi, heimalandi sínu, á næsta ári. Hún segist þó ekki stefna á framboð, eins og fram kemur í grein Wall Street Journal.

Í ávarpi sem hún birti á Facebook í morgun sagði Lagarde að það hafi verið mikil forréttindi að fá að stýra Seðlabanka Evrópu á undanförnum árum. Hún telur sig hafa staðið sig vel í starfi.

Seðlabanki Evrópu mun seinna í dag tilkynna nýja vaxtastefnu og í kjölfarið mun Lagarde halda blaðamannafund. Mörg ríki Evrópu eiga þessa dagana í vanda með að takast á við verðbólgu, skuldasöfnun, hækkandi orkukostnað og sífellt auknar efnahagsáhyggjur.

Í frétt Reuters segir að búist sé við því að á eftir verði tilkynnt að vextir verði óbreyttir í 2,5 prósentum og að gefið verði til kynna að vextir verði hækkaðir á næstunni og þá mögulega í desember.

António Costa, forseti Leiðtogaráðs Evrópusambandsins, tilkynnti afsögn Lagarde. Hún var á árum áður framkvæmdastjóri Alþjóðagjaldeyrissjóðsins. Hann sagði að leitin að arftaka hennar muni hefjast strax í dag.

I have been informed by Christine Lagarde, President of the European Central Bank, of her intention to step down from her role on 7 February 2027. I respectfully acknowledge her decision. I would like to thank Madame @Lagarde for her dedication as President of the @ecb since November 2019. Throughout her mandate, she has led the European Central Bank with a strong sense of duty and responsibility. Europe has been well served by her leadership in uncertain times and her unwavering commitment to the European project. Through a global pandemic, a war in Europe, energy crises and inflation shocks, she has provided a steady and determined stewardship, helping to safeguard stability and the resilience of the euro area. To ensure a smooth transition to the next leadership of the ECB, the process for the appointment of her successor will be initiated today and will proceed without delay, with a view to a timely decision by the European Council acting in its euro area composition, in accordance with the procedure set out in Article 283 (2) of the Treaty on the Functioning of the European Union.
— António Costa (@eucopresident) October 29, 2026

Evrópusambandið

Mest lesið

Fleiri fréttir