Arnarhreiður Hitlers stendur í ljósum logum

Bild greinir frá þessu.

Lögreglu grunar að um íkveikju hafi verið að ræða, en þó eru eldsupptök óljós að svo stöddu. Einn hefur verið handtekinn.

Slökkvistarf á vettvangi mun vera umfangsmikið. Enginn er talinn hafa verið inni í húsinu þegar eldurinn kviknaði.

Húsið, sem heitir á þýsku Kehlsteinhaus, er staðsett á fjallinu Kehlstein í Bæjaralandi ofan við bæinn Berchtesgaden, sem er við Alparætur. Um er að ræða einn vinsælasta ferðamannastað Þýskaland.

Húsið var byggt á árunum 1937 til 1938 sem sumarhús fyrir háttseta nasista, þar á meðal Adolf Hitler. Hann er þó sagður hafa dvalið þar sjaldan, heldur hafi markmiðið með byggingunni verið að heilla erlenda gesti og diplómata.

Húsið komst nokkuð óskaddað í gegnum Seinni Heimsstyrjöldina. Á síðustu árum hefur það verið notað sem safn um Þýskaland nasismans.