Lið Blæs bjargaði læri­sveinum Rúnars

Lokaumferð þýsku deildarinnar fór fram í dag og spennan var hvað mest í fallbaráttunni.

Nýkrýndir meistarar frá Magdeburg mættu Wetzlar, lærisveinum Rúnars Sigtryggssonar, og unnu 30-31 sigur á útivelli.

Gísli Þorgeir Kristjánsson og Ómar Ingi Magnússon skoruðu sitt hvor 5 mörk fyrir Magdeburg. Elvar Örn Jónsson skoraði eitt mark fyrir meistarana.

Wetzlar sá því ekki sjálft um að bjarga sér frá falli. Leipzig kom liðinu til bjargar með því að vinna Minden með einu marki, 26-25. Ef stangarskot Jakub Sterba, leikmanns Minden, á lokasekúndum leiksins hefði ratað í netið hefði Wetzlar fallið. 

Rúnar Sigtryggsson er þjálfari Wetzlar og þakkar Leipzig væntanlega fyrir þetta, þó hann hafi verið rekinn frá félaginu í fyrra.  

Blær Hinriksson skoraði tvö mörk í sigri Leipzig á leiðinni niður um deild.

Sviptingar urðu svo á stöðutöflunni þegar Kiel tapaði 31-34 fyrir Lemgo. Með sigrinum tókst Lemgo að taka síðasta lausa Evrópudeildarsætið og skilja þýska stórveldið eftir í sárum.