Innlent

Nýtt hús­næði ráðu­neytis Ingu kostar níu milljónir á mánuði

Árni Sæberg skrifar
Mennta- og barnamálaráðuneytið hefur tekið efstu hæðina á Kalkofnsvegi 2 á leigu.
Mennta- og barnamálaráðuneytið hefur tekið efstu hæðina á Kalkofnsvegi 2 á leigu. Vísir/Vilhelm

Nýtt húsnæði mennta- og barnamálaráðuneytis Ingu Sæland við Kalkofnsveg í Reykjavík kostar níu milljónir króna í leigu á mánuði. Það er 267 þúsund krónum minna en ráðuneytið greiðir á mánuði fyrir núverandi húsnæði í Borgartúni.

Þetta kemur fram í svari ráðuneytisins við fyrirspurn Vísis um nýtt húsnæði þess. Þar segir að hið leigða sé 1.139,8 fermetrar á sjöttu og efstu hæð hússins að Kalkofnsvegi 2 við Hafnartorg.

Leiguverð sé 7.526 krónur á fermetra á mánuði en mennta- og barnamálaráðuneytið leigi af Framkvæmdasýslu ríkisins, FSRE. FSRE hafi auglýst eftir áhugasömum leigusölum. Eitt húsnæði hafi uppfyllt kröfur. Í framhaldinu hafi FSRE gengið frá leigusamningi við Kolagötu ehf., að fengnu samþykki fjármála- og efnahagsráðuneytisins og mennta- og barnamálaráðuneytisins. 

FSRE greiði Kolagötu ehf. 5.950 krónur á fermetrann án virðisaukaskatts og ráðuneytið greiði aukalega álag til FSRE við framleigu til ráðuneytisins, sem geri alls 7.526 kr. á fermetra. Heildarleiga, að viðbættu húsgjaldi, sé 9.010.119 kr. á mánuði (miðað við verðlag í janúar 2026). Það sé 266.570 króna lækkun á mánaðarleigu miðað við núverandi húsnæði í Borgartúni.

Upphaf leigutíma sé 20. september 2026 og honum ljúki 20. september 2031. Leigusamningur ráðuneytisins og FSRE var undirritaður þann 20. mars síðastliðinn.

Ríkisstjórn Kristrúnar Frostadóttur Húsnæðismál Rekstur hins opinbera Flokkur fólksins Reykjavík Fasteignamarkaður

Mest lesið


Fleiri fréttir

Sjá meira


×

Mest lesið