Innlent

Loka­tölur í Borgar­byggð og Skorra­dals­hreppi: Meiri­hlutinn fallinn

Ritstjórn skrifar
Ný sveitarstjórn Sameiginlegs sveitarfélags Borgarbyggðar og Skorradalshrepps.
Ný sveitarstjórn Sameiginlegs sveitarfélags Borgarbyggðar og Skorradalshrepps. vísir/sara

Sjálfstæðisflokkurinn er stærstur í sameinuðu sveitarfélagi Borgarbyggðar og Skorradalshrepps samkvæmt lokatölum í sveitarstjórnarkosningum. Meirihluti Framsóknarflokksins er fallinn.

Á kjörskrá í sameinuðu sveitarfélagi Borgarbyggðar og Skorradalshrepps eru 3.141 maður. 

Alls voru greidd 2.146 atkvæði og kjörsókn því 68,3 prósent. Níu fulltrúar eiga sæti í sveitarstjórninni en samþykkt var í íbúakosningum á þessu kjörtímabili að sameina sveitarfélögin Borgarbyggð og Skorradalshrepps.

Í sveitarstjórnarkosningunum 2022 náði Framsóknarflokkurinn hreinum meirihluta í Borgarbyggð.

Allir þeir fjórir flokkar sem voru í framboði til sveitarstjórnar Borgarbyggðar og Skorradalshrepps fengu fulltrúa inn:

  • A listi - Borgarbyggðarlistinn - 2 fulltrúar (23,5%)
  • B listi - Framsóknarflokkurinn - 2 fulltrúar (25,4%)
  • D listi - Sjálfstæðisflokkurinn - 3 fulltrúar (29,3%)
  • M listi - Miðflokkurinn - 2 fulltrúar (21,9%)

Hér má sjá nýjustu tölur:

Fyrir A-listann hljóta sæti Jovana Pavlovic og  Hermann B. Valsson. 

Fyrir B-listann hljóta sæti Davíð Sigurðsson og Sonja Lind Eyglóardóttir.

Fyrir D-listann hljóta sæti þau Sigurður Guðmundsson, Ragnhildur Eva Jónsdóttir og Kristján Ágúst Magnússon.

Fyrir M-listann hljóta sæti Haukur Þór Hauksson og Þórður Brynjarsson.

Stefán Broddi Guðjónsson hefur gegnt embætti sveitarstjóra á kjörtímabilinu en í sveitarfélaginu er meðal annars að finna Borgarnes, Hvanneyri, Reykholt, Bifröst, Varmaland og Kleppjárnsreyki.

Á kjörskrá í sameinuðu sveitarfélagi Borgarbyggðar og Skorradalshrepps eru 3.141 maður.Vísir

Sveitarstjórnarkosningar 2026 Borgarbyggð Sjálfstæðisflokkurinn Miðflokkurinn Framsóknarflokkurinn

Tengdar fréttir

Lokatölur í Húnaþingi vestra: N-listinn skákaði Framsókn

N-listinn bætir við sig bæjarfulltrúa og er stærstur í Húnaþingi vestra samkvæmt lokatölum úr sveitarstjórnarkosningum. Framsókn tapar einum fulltrúa og er ekki lengur stærsti flokkurinn í sveitarfélaginu. Sjálfstæðisflokkurinn er minnstur.

Lokatölur úr Fjalla­byggð: Meirihlutinn heldur velli

Sjálfstæðisflokkurinn bætir við sig einum fulltrúa frá síðustu kosningum og er með þrjá. Nýr listi, Listi fyrir heildina fær tvo. Listi Jafnaðarmannafélags Fjallabyggðar fær einnig tvo. Jafnaðarmannafélagið og Sjálfstæðisflokkur mynda í dag meirihluta og heldur hann velli samkvæmt þessu.

Lokatölur úr Fjalla­byggð: Meirihlutinn heldur velli

Sjálfstæðisflokkurinn bætir við sig einum fulltrúa frá síðustu kosningum og er með þrjá. Nýr listi, Listi fyrir heildina fær tvo. Listi Jafnaðarmannafélags Fjallabyggðar fær einnig tvo. Jafnaðarmannafélagið og Sjálfstæðisflokkur mynda í dag meirihluta og heldur hann velli samkvæmt þessu.

Lokatölur í Suður­nesja­bæ: Samfylkingin stærst

Listi Samfylkingar og óháðra fær þrjá bæjarfulltrúa í Suðurnesjabæ og listi Framsókn tvo samkvæmt lokatölum í sveitarstjórnarkosningum. Sjálfstæðisflokkurinn og Miðflokkur fá tvo fulltrúa hvor.

Mest lesið


Fleiri fréttir

Sjá meira


×

Mest lesið