Við­reisn býður fram sinn fyrsta lista á Akra­nesi

Helga Björg Þrastardóttir matreiðslumeistari skipar annað sæti á lista flokksins og Ingvar Örn Ákason verkefnastjóri hið í þriðja sæti. Guðný Sara Birgisdóttir, fjáröflunarstjóri Krafts og listakona, er svo í fjórða sæti á listanum.

Þetta kemur fram í tilkynningu frá flokknum. Meðal annars er haft eftir oddvitanum í tilkynningunni að flokkurinn vilji tryggja góð skilyrði fyrir fjölskyldufólk og hlúa að grunnþjónustu.

Sem fyrr segir er þetta í fyrsta sinn sem Viðreisn býður fram í Akraneskaupstað. Alls eru níu sæti í boði í sveitarstjórninni en í síðustu sveitarstjórnarkosningum fengu Framsóknarflokkurinn, Sjálfstæðisflokkurinn og Samfylkingin hver um sig þrjá fulltrúa en þá mynduðu Sjálfstæðisflokkurinn og Samfylkingin meirihluta.