Mót­mæltu komu „spilltrar“ der Leyen

Á meðan sögulegt veiðigjaldafrumvarp var samþykkt af Alþingi stóð hópur mótmælenda fyrir utan Alþingishúsið með skilti og palestínska fánann á lofti og hrópaði ýmsa baráttusöngva. 

Tilefni mótmælanna er heimsókn der Leyen og aðgerðaleysi stjórnvalda í málefnum Palestínu, að því er kemur fram á Facebookviðburði þeirra.

„Í starfi sínu hefur von der Leyen tekið virkan þátt í helför Ísraels í Palestínu með ítrekuðum stuðningsyfirlýsingum við Ísrael. Hún hefur haldið diplómatískum hlífðarskildi yfir Ísrael og komið í veg fyrir að Evrópusambandið beiti viðskipta- og vopnasölubanni gegn Ísrael! Íslensk stjórnvöld eiga að kalla eftir því að Ursula verði send til dómstóla í Haag en ekki bjóða henni í skoðunarferð til Þingvalla!“ stendur í lýsingu viðburðarins.