Dani fyrstu kaup Amorim hjá Man. Utd

Félagaskiptafréttamaðurinn Fabrizio Romano greinir frá því á Twitter að samkomulag sé í höfn og það ætti því að vera stutt í að Dorgu verði kynntur til leiks hjá United. Kaupverðið nemur 30 milljónum evra, um 4,4 milljörðum króna, með möguleika á 5 milljóna evra viðbót.

United komst fyrir nokkru að samkomulagi við Dorgu um kaup og kjör en beðið hefur verið eftir því að samningar næðust við Lecce.

Dorgu er tvítugur og uppalinn hjá Husum í Kaupmannahöfn og síðar Nordsjælland, áður en hann fór til Lecce sumarið 2022.

Dorgu er á sinni annarri leiktíð í ítölsku A-deildinni en hann spilaði 32 leiki síðasta vetur og skoraði tvö mörk, og hefur nú skorað þrjú mörk í 21 leik í vetur og átt fast sæti í byrjunarliði Lecce.