Fótbolti

Emilía Kiær skoraði og Nord­sjælland á­fram með fullt hús stiga

Runólfur Trausti Þórhallsson skrifar
Emilía Kiær heldur áfram að raða inn mörkum fyrir Nordsjælland.
Emilía Kiær heldur áfram að raða inn mörkum fyrir Nordsjælland. FC Nordsjælland

Danmerkurmeistarar Nordsjælland unnu öruggan 4-1 útisigur á B93 í dönsku efstu deild kvenna í fótbolta. Íslenska landsliðskonan Emilía Kiær Ásgeirsdóttir skoraði eitt mark meistaranna.

Alma Marie Plank Aagaard skoraði tvívegis með stuttu millibili um miðbik fyrri hálfleiks og leiddu gestirnir 2-0 í hálfleik. Þegar tíu mínútur voru liðnar af síðari hálfleik má segja að Emilía Kiær hafi gulltryggt sigurinn með þriðja marki gestanna.

Heimaliðið minnkaði muninn á 77. mínútu en Flora Kopp Höjer bætti fjórða marki Nordsjælland við undir lok leiks, lokatölur 1-4.

Sigurinn þýðir að Nordsjælland er með fullt hús stiga að loknum fimm umferðum. Þá er markatala liðsins 15-4.

Fótbolti Danski boltinn

Mest lesið


Fleiri fréttir

Sjá meira


×

Mest lesið