Fimmta Ólympíugull Banda­ríkja­kvenna í hús

Eina mark leiksins kom á 57. mínútu og var þar að verki Mallory Swanson. Brasilía setti mikla pressu á bandaríska liðið undir lokin en þær vörðust vel og þá átti Alyssa Naeher nokkrar lykilmarkvörslur, þar af eina úr dauðafæri í uppbótartíma.

Þetta er í fimmta sinn sem bandaríska liðið vinnur til gullverðlauna á Ólympíuleikunum og hefur liðið unnið fimm af átta úrslitaleikjum leikanna frá upphafi, en fyrst var keppt í kvennaknattspyrnu á leiknum 1996. 

Brasilía hefur ekki enn náð að sækja gullið en þetta var þriðji úrslitaleikurinn sem liðið tapar og jafnframt sá þriðji á móti Bandaríkjunum.