Innlent

Hópar slógust en enginn ætlar að kæra

Árni Sæberg skrifar
Lögregla hafði í nægu að snúast í nótt.
Lögregla hafði í nægu að snúast í nótt. Vísir/Vilhelm

Talsverður erill var hjá Lögreglunni á höfuðborgarsvæðinu í gærkvöldi og í nótt, ef marka má dagbókarfærslu lögreglu. Þar segir meðal annars frá manni sem gistir fangaklefa á Hverfisgötu vegna gruns um að hafa brotið rúðu með því að kasta steini í hana og fyrir að fara ekki eftir fyrirmælum lögreglu.

Í miðbænum hafi tveir slegist svo kalla þurfti til lögreglu, sem hafi mætt á vettvang og rætt við mennina.

Tilkynning hafi borist um að ekið hafi verið á gangandi vegfaranda. Lögregla og sjúkralið hafi mætt á vettvang, hinn slasaði fluttur á bráðamóttöku og bifreiðin dregin á brott. Líðan hins slasaða liggur ekki fyrir.

Þá segir frá slagsmálum tveggja hópa í umdæmi lögreglustöðvar þrjú, sem sinnir Kópavogi og Breiðholti. Enginn af þátttakendum slagsmálanna hafi sagst ætla að leggja fram kæru þegar lögregla ræddi við þá.

Loks segir frá frá tilkynningu um umferðarslys þar sem dráttarkrókur bifreiðar féll undan bifreið með þeim afleiðingum að hjólhýsi sem hékk á dráttarkróknum endaði á staur með tilheyrandi eignatjóni. Engin slys hafi orðið á fólki.

Lögreglumál Reykjavík Kópavogur Umferð Samgönguslys

Mest lesið


Fleiri fréttir

Sjá meira


×

Mest lesið