Bæjar­full­trúi að­stoðar ráð­herra

Í fréttatilkynningu þess efnis segir að Andri Steinn hafi hafið störf um miðjan maí og starfi samhliða Áslaugu Huldu Jónsdóttur.

Andri Steinn hafi starfað fyrir þingflokk Sjálfstæðisflokksins á Alþingi síðan 2019 og sé kjörinn bæjarfulltrúi í Kópavogi. Áður hafi hann starfað sem blaðamaður á Morgunblaðinu og lagt stund á hagfræði við Háskóla Íslands. 

Hann sé í tímabundnu leyfi frá störfum sínum hjá þingflokknum á meðan hann starfar sem aðstoðarmaður ráðherra.

Andri Steinn sé kvæntur Sonju Anaís Ríkharðsdóttur lögfræðingi og þau eigi saman tvær dætur.