Innlent

Trúðar mót­mæla við Al­þingi

Kolbeinn Tumi Daðason skrifar
Þessi mótmælandi klæddi sig upp í trúðabúning.
Þessi mótmælandi klæddi sig upp í trúðabúning. Vísir/Berghildur

Félagar í samtökunum Ísland - Palestína standa fyrir mótmælum við Alþingishúsið. Þingfundur hófst á Alþingi klukkan 15.

Meðal mótmælenda er fólk klætt í trúðabúning. Þeirra á meðal tónlistarkonan Margrét Kristín Blöndal betur þekkt sem Magga Stína.

Mótmælendur mótmæla aðgerðarleysi íslenskra stjórnvalda á Gasa. 

Hópurinn mótmælti í Skuggasundi á föstudaginn þegar ríkisstjórnin kom saman til fundar. Lögregla beitti piparúða til að hafa bug á mótmælendum sem segja lögregluna hafa gengið alltof hart fram.

Nokkrir eru með trommur.Vísir/Berghildur
Palestínski fáninn er áberandi.Vísir/Berghildur
Það viðrar ágætlega til mótmæla.Vísir/Berghildur
Skilaboðin frá Möggu Stínu og félögum eru skýr.Vísir/Berghildur
Fjölmargir halda á fána Palestínu við Austurvöll.Vísir/Berghildur
Magga Stína er fremst í flokki eins og svo oft áður.Vísir/Berghildur
Alþingi Átök í Ísrael og Palestínu Palestína

Tengdar fréttir

Mótmælin í dag þau hörðustu í mörg ár

Mótmælin á vegum félagsins Íslands-Palestína í morgun eru þau hörðustu á síðari árum að sögn lögreglu. Mótmælendur segja lögreglu hafa gengið fram af hörku og ofbeldi og sýnt einbeittan brotavilja. Lögregla segist ekki hafa átt annarra kosta völ og fullyrðir að verklagsreglum hafi verið fylgt. Nefnd um eftirlit með störfum lögreglu muni fá aðgang að öllum nauðsynlegum gögnum.

Þakkar fyrir að hafa ekki þurft að beita kylfum

Aðalvarðstjóri hjá lögreglunni á höfuðborgarsvæðinu segir að vel hafi gengið að vinna bug á mótmælum við ríkisstjórnarfund í morgun. Þau hafi verið agressív. Lögregla hafi reynt að beita vægari úrræðum og sem betur fer ekki þurft að beita kylfum.

Notuðu piparúða á mótmælendur

Lögreglan á höfuðborgarsvæðinu notaði piparúða á mótmælum á vegum samtakanna Ísland-Palestínu. Um tíu mótmælendur eru illa haldnir en auk þess slasaðist lögreglumaður þegar ráðherrabíl var ekið á hann. Lögregla segir mótmælendur ekki hafa fylgt fyrirmælum. 

Mest lesið


Fleiri fréttir

Sjá meira


×

Mest lesið