Innlent

Lög um kaup á hús­næði í Grinda­vík sam­þykkt

Rafn Ágúst Ragnarsson skrifar
Tillagan var samþykkt laust eftir miðnætti.
Tillagan var samþykkt laust eftir miðnætti. Vísir/Arnar Halldórsson

Alþingi samþykkti stuttu eftir miðnætti frumvarp um kaup ríkissjóðs á íbúðarhúsnæði í Grindavík og fjáraukalög til þess að fjármagna kaupin.

Grindvíkingar fái frest til áramóta til að ákveða hvort þeir vilji selja ríkinu eign sína. Eigendur íbúðanna eiga svo forkaupsrétt á íbúðunum til þriggja ára eftir að lögin taka gildi. Ákvæði er um að mat verði lagt á hvort lengja skuli forkaupsréttin innan þessara tveggja ára.

Einnig var samþykkt breytingartillaga um tímabundinn rekstarstuðning í bænum. Frestinum til endurgreiðslu rekstrarstuðningsins hefur verið frestað um tvo mánuði úr fyrsta maí 2025 til fyrsta júlí 2025.

Frumvarpið var samþykkt í heild sinni með 47 atkvæðum en endurtaka þurfti atkvæðagreiðsluna ansi oft vegna tæknilegra örðugleika.

Fréttin hefur verið leiðrétt. Fyrst stóð að forkaupsréttur gilti í tvö ár en það rétta er að hann gildir í þrjú ár. Leiðrétt 23.2.2024 klukkan 11.12.

Grindavík Alþingi Eldgos og jarðhræringar Eldgos á Reykjanesskaga Ríkisstjórn Katrínar Jakobsdóttur Húsnæðismál Rekstur hins opinbera

Mest lesið


Fleiri fréttir

Sjá meira


×

Mest lesið