Haukur og Donni ekki með í dag

Þetta er annar leikur Íslands á EM í Þýskalandi og í annað sinn sem að Donni er utan hóps. Hægri hornamaðurinn Óðinn Þór Ríkharðsson kemur hins vegar inn í hópinn í stað Hauks.

Haukur spilaði ekkert í leiknum við Serbíu á föstudaginn, þó að hann væri í sextán manna hópnum sem Snorri valdi í þann leik.

Beina textalýsingu frá leiknum í dag, sem hefst klukkan 17 að íslenskum tíma, má sjá með því að smella hér. Innan skamms hefst svo bein útsending á Vísi úr Ólympíuhöllinni þar sem mikill fjöldi Íslendinga er á svæðinu.

Íslenski hópurinn í dag:

Markverðir:

Björgvin Páll Gústavsson, Valur (261/21)

Viktor Gísli Hallgrímsson, HBC Nantes (52/1)

Aðrir leikmenn:

Arnar Freyr Arnarsson, MT Melsungen (88/96)

Aron Pálmarsson, FH (171/651)

Bjarki Már Elísson, Telekom Veszprém (108/379)

Einar Þorsteinn Ólafsson, Fredericia (5/0)

Elliði Snær Viðarsson, VfL Gummersbach (40/77)

Elvar Örn Jónsson, MT Melsungen (67/162)

Gísli Þorgeir Kristjánsson, SC Magdeburg (54/121)

Janus Daði Smárason, SC Magdeburg (75/119)

Ómar Ingi Magnússon, SC Magdeburg (77/363)

Óðinn Þór Ríkharðsson, Kadetten Chaffhausen (32/91)

Sigvaldi Björn Guðjónsson, Kolstad Håndball (66/190)

Stiven Tobar Valencia, Benfica (9/10)

Viggó Kristjánsson, SC DHfK Leipzig Handball (47/124)

Ýmir Örn Gíslason, Rhein-Neckar Löwen (79/35)