Fimm þúsund Fær­eyingar sáu sína menn tapa fyrsta leik naum­lega

Leikur Slóveníu og Færeyjar var einkar jafn framan af, svo jafn að staðan var jöfn 13-13 í hálfleik. Færeyingar komust tveimur mörkum yfir í upphafi síðari hálfleiks en eftir það náðu Slóvenar öllum völdum á vellinum, skoruðu fjögur mörk í röð og þá var ekki aftur snúið.

Fór það svo að Slóvenía vann þriggja marka sigur, lokatölur 32-29. Elias Ellefsen á Skipagøtu var markahæstur á vellinum með 9 mörk. Aleks Vlah var markahæstur í liði Slóveníu með 8 mörk. Hákun West Av Teigum skoraði einnig 8 mörk í liði Færeyja.

Í E-riðli vann Holland fimm marka sigur á Georgíu, lokatölur 34-29. Í F-riðli vann Portúgal sjö marka sigur á Grikklandi, lokatölur 31-24. 

Síðar í kvöld klárast 1. umferð í þessum riðlum. Noregur mætir Póllandi í D-riðli, Svíþjóð mætir Bosníu & Hersegóvínu í E-riðli og Danmörk mætir Tékklandi í F-riðli.