Vantar einn í ís­lenska hópinn í dag

Hægri hornamaðurinn Óðinn Þór Ríkharðsson verður ekki með í dag vegna veikinda en þetta kemur fram í tilkynningu frá HSÍ. Þar með fækkar um einn í átján manna hópnum sem vann Austurríki á laugardaginn.

Án Óðins er Sigvaldi Björn Guðjónsson eini eiginlegi hægri hornamaðurinn í hópnum. Hann skoraði eitt mark í sigrinum á laugardag og Óðinn tvö.

Leikurinn í dag fer fram í Linz og er uppselt á leikinn. Hann hefst klukkan 17:10. Íslenski hópurinn heldur svo í framhaldinu til München þar sem fyrsti leikur liðsins á EM er leikurinn mikilvægi við Serbíu á föstudaginn.

Hópurinn sem mætir Austurríki í dag:

Markverðir:

Björgvin Páll Gústavsson, Valur (259/21)

Viktor Gísli Hallgrímsson, HBC Nantes (50/1)

Aðrir leikmenn:

Arnar Freyr Arnarsson, MT Melsungen (86/94)

Aron Pálmarsson, FH (169/647)

Bjarki Már Elísson, Telekom Veszprém (106/369)

Einar Þorsteinn Ólafsson, Fredericia (3/0)

Elliði Snær Viðarsson, VfL Gummersbach (38/76)

Elvar Örn Jónsson, MT Melsungen (67/158)

Gísli Þorgeir Kristjánsson, SC Magdeburg (52/116)

Haukar Þrastarson, Barlinek Industria Kielce (24/30)

Janus Daði Smárason, SC Magdeburg (73/116)

Kristján Örn Kristjánsson, Pays d’Aix Université Club Handball (30/60)

Ómar Ingi Magnússon, SC Magdeburg (75/358)

Sigvaldi Björn Guðjónsson, Kolstad Håndball (64/173)

Stiven Tobar Valencia, Benfica (7/8)

Viggó Kristjánsson, SC DHfK Leipzig Handball (45/115)

Ýmir Örn Gíslason, Rhein-Neckar Löwen (77/35)

Ísland vann eins og fyrr segir öruggan sigur í fyrri leiknum gegn Austurríki, á laugardaginn, eða 33-28. Í þeim leik komu tveir leikmenn ekkert við sögu en það voru þeir Arnar Freyr Arnarsson og Kristján Örn Kristjánsson.