Fótbolti

Ísak byrjaði í Sambandsdeildarsigri en Sverrir og félagar þurfa að snúa taflinu við

Hjörtur Leó Guðjónsson skrifar
Ísak Snær Þorvaldsson og félagar eru í góðri stöðu fyrir seinni leikinn gegn Hearts.
Ísak Snær Þorvaldsson og félagar eru í góðri stöðu fyrir seinni leikinn gegn Hearts. Rosenborg

Ísak Snær Þorvaldsson var í byrjunarliði Rosenborg er liðið vann góðan 2-1 sigur gegn skoska liðinu Hearts í forkeppni Sambandsdeildar Evrópu í kvöld. Á sama tíma máttu Sverrir Ingi Ingason og félagar hans í Midtjylland þola 1-0 tap gegn Omonia frá Kýpur.

Ísak lék fyrsta klukkutíman í sigri Rosenborg í kvöld, en það voru þeir Emil Frederiksen og Jayden Nelson sem sáu um markaskorun liðsins í fyrri hálfleik.

Eins og áður segir vann Rosenborg 2-1 sigur og fer því með eins marks forystu í síðari leik liðanna sem fram fer í Skotlandi að viku liðinni.

Þá lék Sverrir Ingi Ingason allan leikinn í hjarta varnarinnar hjá Midtjylland er liðið þurfti að sætta sig við 1-0 tap á útivelli gegn Omonia. Sverrir og félagar þurfa því að snúa taflinu við er liðin mætast á ný í Danmörku eftir viku.

Sambandsdeild Evrópu

Mest lesið


Fleiri fréttir

Sjá meira


×

Mest lesið