Hópurinn sem hitar upp fyrir slaginn um HM-sæti

Hópurinn er nokkuð breyttur frá því í nóvember þegar Ísland vann Ísrael í tveimur leikjum og tryggði sér sæti í umspili um sæti á HM.

Leikirnir við Noreg eru einmitt undirbúningur fyrir HM-umspilið sem er gegn Ungverjalandi 8. og 12. apríl.

Tveir nýliðar eru í hópnum nú en það eru markvörðurinn Margrét Einarsdóttir úr Haukum og Katla María Magnúsdóttir úr Selfossi.

Aðrar sem koma inn núna en voru ekki valdar eða misstu af leikjunum í nóvember eru markvörðurinn Elín Jóna Þorsteinsdóttir, Lena Margrét Valdimarsdóttir, Lilja Ágústsdóttir, Hrafnhildur Hanna Þrastardóttir og Þórey Anna Ásgeirsdóttir.

Þær Aldís Ásta Heimisdóttir, Díana Dögg Magnúsdóttir, Rakel Sara Elvarsdóttir og Unnur Ómarsdóttir eru aftur á móti ekki með að þessu sinni.

Íslenski hópurinn:

Markverðir:

• Elín Jóna Þorsteinsdóttir, Ringkøbing Håndbold (39/1)
• Hafdís Renötudóttir, Fram (40/2)
• Margrét Einarsdóttir, Haukar (0/0)

Aðrir leikmenn:

• Andrea Jacobsen, EH Aalborg (35/49)
• Elín Klara Þorkelsdóttir, Haukar (4/3)
• Hildigunnur Einarsdóttir, Valur (90/101)
• Jóhanna Margrét Sigurðardóttir, Skara HF (4/7)
• Katla María Magnúsdóttir, Selfoss (0/0)
• Katrín Tinna Jensdóttir, Volda (7/2)
• Lena Margrét Valdimarsdóttir, Stjarnan (4/3)
• Lilja Ágústsdóttir, Valur (4/1)
• Hrafnhildur Hanna Þrastardóttir, ÍBV (37/69)
• Perla Ruth Albertsdóttir, Fram (28/41)
• Rut Arnfjörð Jónsdóttir, KA/Þór (112/241)
• Sandra Erlingsdóttir, Metzingen (16/65)
• Steinunn Björnsdóttir, Fram (42/46)
• Sunna Jónsdóttir, ÍBV (71/55)
• Thea Imani Sturludóttir, Valur (58/95)
• Þórey Anna Ásgeirsdóttir, Valur (28/14)
• Þórey Rósa Stefánsdóttir, Fram (117/341)

Hópurinn kemur saman til æfinga 27. febrúar. Fyrri leikurinn við Noreg fer fram fimmtudaginn 2. mars kl. 19.30 og sá síðari laugardaginn 4. mars kl. 16.00, og verða þeir báðir á Ásvöllum í Hafnarfirði.